England: Coady með flautumark - Watford fallið (Staðfest)

Mynd: Getty Images

FJórum leikjum er lokið í ensku úrvalsdeildinni í dag.

Chelsea fékk Wolves í heimsókn en Chelsea hafði aðeins unnið einn af síðustu fjórum leikjum sínum fyrir leikinn í dag. Wolves hafði tapað þremur leikjum í röð.

Romelu Lukaku var í byrjunarliði Chelsea í dag en honum hefur gengið erfiðlega að skora á þessari leiktíð en hann var með fimm mörk í deildinni fyrir leik dagsins.

Það dró fyrst til tíðinda í leiknum þegar Ruben Loftus-Cheek setti boltann í netið rétt fyrir lok fyrri hálfleiks. Markið var hins vegar dæmt af vegna rangstöðu.

Eftir um 10 mínútna leik í síðari hálfleik fengu Chelsea menn vítaspyrnu þegar Romain Saiss braut á Lukaku. Hann fór sjálfur á punktinn og skoraði sitt fyrsta mark síðan um miðjan mars mánuð.

Hann var aftur á ferðinni aðeins tveimur mínútum síðar þegar hann tvöfaldaði forystu Chelsea eftir undirbúning Christian Pulisic. Trincao minnkaði muninn 10 mínútum fyrir leikslok. Úlfarnir freistuðu þess að jafna.

Sex mínútum var bætt við og þegar það var komið framyfir þær skoraði fyrirliðinn Conor Coady.

Brentford og Aston Villa unnu góða sigra en Villa hefur nú unnið tvo leiki í röð eftir fimm leiki án sigurs. Crystal Palace vann Watford 1-0 en Wilfried Zaha skoraði markið úr vítaspyrnu og liðið er því komið á efrihluta töflunnar og Watford féll formlega eftir tapið.

Brentford 3 - 0 Southampton
1-0 Pontus Jansson ('13 )
2-0 Yoane Wissa ('14 )
3-0 Kristoffer Ajer ('79 )

Burnley 1 - 3 Aston Villa
0-1 Danny Ings ('7 )
0-2 Emiliano Buendia ('31 )
0-3 Ollie Watkins ('52 )
1-3 Maxwel Cornet ('90 )

Chelsea 2 - 2 Wolves
1-0 Romelu Lukaku ('56 , víti)
2-0 Romelu Lukaku ('58 )
2-1 Francisco Trincao ('79 )
2-2 Conor Coady (90 )

Crystal Palace 1 - 0 Watford
1-0 Wilfred Zaha ('29 , víti)
Rautt spjald: Hassane Kamara, Watford ('68)

Premier league - karlar

#	Lið	L	mun	Stig
1	Man City	6	+11	18
2	Arsenal	6	+5	15
3	Brighton	6	+13	13
4	Brentford	6	+6	10
5	Everton	6	+3	10
6	Chelsea	6	+2	10
7	Leeds	6	+3	9
8	Hull City	6	+2	9
9	Liverpool	6	0	9
10	Ipswich Town	6	-3	9
11	Newcastle	5	0	8
12	Crystal Palace	6	-3	7
13	Man Utd	6	0	6
14	Nott. Forest	6	-3	5
15	Aston Villa	6	-5	5
16	Sunderland	6	-6	4
17	Bournemouth	6	-6	3
18	Tottenham	6	-6	3
19	Coventry	5	-9	3
20	Fulham	6	-4	2