Gunnar Heiðar Þorvaldsson ósáttur með frammistöðu sinna manna í dag
„Við vissum alveg að þeir myndu spila svona, það var bara sjokkerandi hvað við vorum lélegir þegar við mættum til leiks hérna. Við vorum greinilega ekki á tánum og það er eitthvað sem við þurfum að skoða". Sagði Gunnar Heiðar Þorvaldsson eftir 5-0 tap gegn Gróttu.
Lestu um leikinn: Grótta 5 - 0 Vestri
Vestri átti erfitt uppdráttar í leiknum fyrr í dag, þar sem Grótta áttu nánast öll völd á Vivaldivellinum. Leikurinn endaði með 5-0 sigri heimamanna.
„Markmið sumarsins er náttúrulega að halda áfram að byggja unga starfið sem er búið að gera"
Þegar hann var spurður um markmið sumarsins.
Gunnar er nýtekinn við liði Vestra en áður hafði hann þjálfað lið KFS.
„Alveg sama hvað við þjálfararnir segjum ef leikmenn fara ekki eftir því eða leikmennirnir inná vellinum hverju sinni gera ekki þá hluti sem þarf að gera þá getur stundum farið svona".
Sagði Gunnar svekktur eftir úrslit dagsins en viðtalið má sjá í heild sinni hér fyrir ofan.
