Það fóru fram tveir leikir í 4. deild karla í kvöld og voru þeir báðir í A-riðlinum.
Kría fer afskaplega vel af stað og eru þeir að stinga af í riðlinum eins og staðan er núna.
Kríumenn spiluðu við Árborg á heimavelli á Seltjarnarnesi og unnu þar 2-0 sigur. Viðar Þór Sigurðsson, kallaður "Viddi Lukaku", og Jóhannes Hilmarsson, fyrirliði Kríu, skoruðu mörkin í fyrri hálfleiknum.
Kría er á toppi A-riðils með fullt hús stiga eftir fimm leiki. Þeir eru með átta stiga forskot núna en önnur lið í kring eiga leiki til góða. Árborg er í öðru sæti.
Þá unnu Berserkir sinn annan leik í sumar þegar þeir fengu GG í heimsókn í Víkina, lokatölur þar 3-1. Berserkir eru í fjórða sæti með sex stig eftir fjóra leiki spilaða. GG er á botninum með eitt stig eftir fjóra leiki.
Kría 2 - 0 Árborg
1-0 Viðar Þór Sigurðsson
2-0 Jóhannes Hilmarsson
Berserkir 3 - 1 GG
Af Úrslit.net
Athugasemdir