Andri Adolphsson, kantmaður Vals, er ekki með í leiknum gegn Víkingi í kvöld.
Valur og Breiðablik mættust í æfingaleik í þar síðustu viku. Liðin hafa verið í fríi í Pepsi Max-deildinni þar sem leikjum þeirra var frestað út af landsleik Íslands og Mexíkó.
Valur og Breiðablik mættust í æfingaleik í þar síðustu viku. Liðin hafa verið í fríi í Pepsi Max-deildinni þar sem leikjum þeirra var frestað út af landsleik Íslands og Mexíkó.
Andri spilaði með Val í leiknum og hann meiddist. Þetta sagði Heimir Guðjónsson, þjálfari Vals, í viðtali við Gunnlaug Jónsson á Stöð 2 Sport.
„Því miður fyrir okkur verður hann frá í alla vega tvær vikur í viðbót sem er ekki gott fyrir okkur því hann var að komast á fínt skrið," sagði Heimir.
Andri hefur verið einstaklega óheppinn með meiðsli upp á síðkastið.
Skagamennirnir í herbúðum Vals eru að glíma við meiðsli. Arnór Smárason og Tryggvi Hrafn Haraldsson eru á meiðslalistanum og hafa ekkert spilað í sumar.
„Arnór er byrjaður að æfa og er búinn að ná einhverri viku. Ég reikna með því að hann verði klár fljótlega. Það er aðeins lengra í Tryggva, kannski tvær þrjár vikur."
Valur mætir Víkingi í kvöld en hægt er að fara í beina textalýsingu með því að smella hérna.
Athugasemdir