Belgíski miðjumaðurinn skoraði sex mörk og lagði upp tólf á tímabilinu en þetta var langt frá því að vera hans besta tímabil með liðinu.

Hann hafði betur gegn Ruben Dias, Ilkay Gündogan, Bruno Fernandes og Harry Kane sem allir áttu frábært tímabil en De Bruyne vann einnig verðlaunin á síðasta tímabili.

De Bruyne er þriðji leikmaður deildarinnar sem afrekar það að vinna þessi verðlaun tvö ár í röð en Thierry Henry gerði það með Arsenal árið 2003 og 2004.

Cristiano Ronaldo gerði slíkt hið sama með Manchester United árið 2007 og 2008 og De Bruyne því kominn í afar sjaldgæfan hóp.