mán 07. júní 2021 06:00
Brynjar Ingi Erluson
Myndband: Tæklaði Vrsaljko draug?
Sime Vrsaljko í baráttunni við Yannick Carrasco en þeir eru einmitt liðsfélagar hjá Atlético Madríd
Sime Vrsaljko í baráttunni við Yannick Carrasco en þeir eru einmitt liðsfélagar hjá Atlético Madríd
Mynd: EPA
Króatíski hægri bakvörðurinn Sime Vrsaljko bauð upp á stórfurðulega tæklingu undir lok leiks gegn Belgíu í vináttulandsleik í gær.

Romelu Lukaku skoraði sigurmarkið í leik liðanna en þetta var síðasti leikur liðanna fyrir Evrópumótið.

Þetta var stál í stál leikur en virðist þó eitthvað hafa farið illa í króatíska bakvörðinn Sime Vrsaljko.

Það voru rúmlega tvær mínútur eftir af venjulegum leiktíma er boltinn var á leið útaf og enginn maður nálægt en þá mætti Vrsaljko á ferðinni og tók hressilega tveggja fóta tæklingu í loftið og rann útaf vellinum.

Erfitt er að útskýra hvað honum gekk til en hægt er að sjá myndband af þessu atviki hér fyrir neðan.


Athugasemdir
banner
banner
banner
banner