Pétur Pétursson, þjálfari Vals var að vonum sáttur með 6-1 sigur á Aftureldingu í 8. umferð Bestu-deildar kvenna í kvöld. Hann vildi hrósa liði Aftureldingar eftir leik.
„Þetta var ágætis leikur hjá okkur á mörgum köflum en ég ætla að hrósa Aftureldingu fyrir sinn leik líka. Þær eru að spila fótbolta og reyna að sækja, með allt þetta bras sem þær eru búnar að lenda í og ég ætla að gefa þeim bara mikið hrós fyrir þennan leik," sagði Pétur.
Lestu um leikinn: Valur 6 - 1 Afturelding
„Mér fannst við byrja þennan leik vel og í rauninni vorum við komnar í 3-0 og þá var eiginlega leikurinn búinn. Þannig að mér fannst þetta bara fínn leikur, hann var kaflaskiptur svolítið og mikið af skiptingum líka þannig það breytir líka svolítið landslaginu."
Nú styttist í að landsliðshópurinn fyrir EM verði tilkynntur. Pétur vill sjá Elínu Mettu og fullt af Völsurum í hópnum.
„Jájá, ég vill sjá hana í hópnum. Jájá, helling af leikmönnum frá Val," sagði Pétur léttur að lokum.