lau 07. júlí 2018 12:47
Guðmundur Aðalsteinn Ásgeirsson
Byrjunarlið Svíþjóðar og Englands: Sama enska lið
England byrjaði með sama lið og gegn Kólumbía.
England byrjaði með sama lið og gegn Kólumbía.
Mynd: Getty Images
Klukkan 14:00 hefst leikur Englands og Svíþjóðar í 8-liða úrslitum Heimsmeistaramótsins í fótbolta. Margir landsmenn eru spenntir fyrir þessum leik enda er enski fótboltinn mjög vinsæll hér á landi og margir sem styðja enska landsliðið.

Sjá einnig:
Ingó Veðurguð spáði í spilin fyrir leikinn

England byrjar með sama lið og byrjaði gegn Kólumbíu í 16-liða úrslitunum. Sá leikur fór alla leið í vítaspyrnukeppni og þar var það England sem hafði betur.

Dele Alli heldur sæti sínu í byrjunarliðinu eftir að hafa misst áður af leikjum vegna meiðsla.

Emil Krafth kemur inn í byrjunarlið Svíþjóðar fyrir Mikael Lustig og Sebastian Larsson snýr aftur eftir leikbann hjá Svíþjóð.

Leikurinn hefst eins og áður segir klukkan 14:00.

Svíþjóð: Olsen, Krafth, Lindelof, Granqvist, Augustinsson, Larsson, Ekdal, Forsberg, Claesson, Berg, Toivonen.

England: Pickford, Walker, Stones, Maguire, Trippier, Lingard, Henderson, Alli, Young, Sterling, Kane.


Athugasemdir
banner
banner
banner