Undirbúningur sænska landsliðsins fyrir leikinn gegn Englandi í 8-liða úrslitum HM í dag var truflaður þegar brunakerfið á hóteli liðsins fór í gang klukkan 8:30 að rússneskum tíma í morgun.
Rýma þurfti hótelið eftir að kerfið fór í gang en í ljós kom að enginn eldur var á hótelinu.
Samkvæmt stjórnendum hótelsins fór kerfið í gang vegna þess að einhver var að reykja í herbergi sínu eða þá að einhver ýtti á rofa, annað hvort viljandi eða óvart.
Það er spurning hvort þetta hafi eitthvað truflað sænsku leikmennina. Það kemur í ljós á eftir.
Leikur Englands og Svíþjóðar hefst klukkan 14:00. Í húfi er sæti í undanúrslitunum.
Athugasemdir
