Enska úrvalsdeildarfélagið Aston Villa hefur komist að samkomulagi við Bournemouth um kaup á Tyrone Mings. Þetta herma heimildir Sky Sports.
Mings var á láni frá Bournemouth hjá Villa á síðustu leiktíð og hjálpaði liðinu að komast aftur upp í deild þeirra bestu.
Hann er uppalinn hjá Southampton en hafði spilað með Bournemouth frá árinu 2015. Tækifærin þar voru af skornum skammti og ákvað því Villa að fá hann lánaðan á síðasta tímabili.
Hann stóð sig gríðarlega vel þar og er Villa nú að tryggja sér þjónustu hans en félagið greiðir Bournemouth 20 milljónir punda.
Hann mun gangast undir læknisskoðun á næstu dögum og verður væntanlega kynntur á næstu dögum.
Athugasemdir