Það eru tveir leikir á dagskrá í íslenska boltanum í dag. Annar þeirra er nágrannaslagur í Pepsi Max-deild karla, þar sem Breiðablik mætir HK á Kópavogsvelli.
Liðin hafa þegar mæst tvisvar sinnum í sumar. Í fyrra skiptið voru Blikar heppnir að sleppa með jafntefli en þeir grænu höfðu svo betur í bikarnum.
Bæði lið þurfa á sigri að halda á sitthvorum enda töflunnar. Breiðablik þarf sigur til að minnka bilið frá toppliði KR sem er með sjö stiga forystu sem stendur.
HK þarf sigur í fallbaráttunni þar sem liðið er þremur stigum frá öruggu sæti og með þremur stigum meira en botnlið ÍBV.
Leikurinn hefst klukkan 19:15 og verður sýndur beint á Stöð 2 Sport 2.
Fyrr um daginn á sameinað lið Fjarðabyggðar, Hattar og Leiknis F. leik við Álftanes í 2. deild kvenna.
Liðin eru jöfn með níu stig en Álftanes á leik til góða. Sigurlið kvöldsins getur blandað sér í toppbaráttuna.
Pepsi Max-deild karla
19:15 Breiðablik-HK (Stöð 2 Sport 2 - Kópavogsvöllur)
2. deild kvenna
14:00 Fjarðab/Höttur/Leiknir-Álftanes (Fjarðabyggðarhöllin)
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir