Viðar Örn Kjartansson skoraði eitt marka Hammarby í stórsigri í sænsku úrvalsdeildinni í dag.
Hammarby fékk Falkenberg í heimsókn og úr varð átta marka leikur. Viðar var í byrjunarliði Hammarby og lék hann allan leikinn. Hann skoraði annað mark liðsins á 13. mínútu.
Markið má sjá hérna að neðan. Viðar kominn með sex mörk í 14 leikjum í sænsku úrvalsdeildinni.
Staðan var 3-0 í hálfleik fyrir Hammarby og komst liðið í 6-0 í seinni hálfleiknum. Fallkenberg minnkaði muninn í 6-2, en komst ekki lengra en það.
Hammarby er í sjöunda sæti sænsku úrvalsdeildarinnar með 22 stig úr 14 leikjum. Sigurinn í dag var fyrsti sigur Hammarby síðan 14. maí.
Viðar er í láni hjá Hammarby frá Rostov í Rússlandi. Lánssamningur hans rennur út 15. júlí. Sagt er að Aron Jóhannsson fylli skarð hans.
Sjá einnig:
Gummi Tóta í sigurliði gegn Häcken
VÖK réttur maður á réttum stað. pic.twitter.com/fxiwTZglG1
— Íslendingavaktin (@Islendingavakt) July 7, 2019
Athugasemdir