Byrjunarlið dagsins: Gilmour byrjar í stað Kante

Roy Hodgson gerir tvær breytingar á liði Crystal Palace sem tapaði 3-0 gegn Leicester í síðustu umferð. Scott Dann kemur inn í vörnina í stað Mamadou Sakho og þá fær Cheickou Kouyate sæti á miðjunni þar sem Jairo Riedewald spilaði í síðasta leik.

Palace siglir lygnan sjó í neðri hluta deildarinnar á meðan Chelsea er í harðri baráttu um Meistaradeildarsæti.

Hinn nítján ára gamli Billy Gilmour kemur inn í byrjunarlið Chelsea í stað N'Golo Kante sem fór meiddur af velli í sigri gegn Watford um helgina. Jorginho er geymdur á bekknum. Frank Lampard gerir ekki aðrar breytingar eftir sigurinn góða og leiðir Olivier Giroud sóknarlínuna með Tammy Abraham á bekknum.

Crystal Palace: Guaita, Ward, Cahill, Dann, Van Aanholt, Milivojevic, McArthur, Kouyate, Ayew, Zaha, Benteke
Varamenn:

Chelsea: Kepa, James, Zouma, Christensen, Azpilicueta, Gilmour, Barkley, Mount, Willian, Pulisic, Giroud
Varamenn: Caballero, Rüdiger, Alonso, Jorginho, Loftus-Cheek, Pedro, Hudson-Odoi, Batshuayi, Abraham

---

Nigel Pearson ákvað að bæta Adam Masina og Danny Welbeck við byrjunarlið Watford eftir 3-0 tap gegn Chelsea í síðustu umferð. Masina kemur inn í vörnina fyrir Adrian Mariappa og Welbeck kemur inn í liðið fyrir Nathaniel Chalobah. Hann tekur sæti Will Hughes á vinstri kanti og fer Hughes niður á miðjuna.

Leikurinn í dag er kjörið tækifæri fyrir Watford þar sem sigur kæmi liðinu fjórum stigum frá fallsvæðinu.

Botnlið Norwich hefur ekkert gert nema tapað eftir Covid pásuna og er sjö stigum frá öruggu sæti sem stendur. Það er því núna eða aldrei fyrir Norwich, sem verður tíu stigum frá öruggu sæti með tapi í dag.

Marco Stiepermann og Mario Vrancic koma inn í byrjunarlið Norwich eftir 0-1 tap gegn Brighton í síðustu umferð. Þeir taka sæti Josip Drmic og Ondrej Duda.

Watford: Foster, Femenia, Kabasele, Dawson, Masina, Capoue, Hughes, Doucoure, Sarr, Welbeck, Deeney
Varamenn: Gomes, Mariappa, Cleverley, Chalobah, Cathcart, J. Pedro, Gray, Pussetto, Pereyra

Norwich: Krul, Aarons, Godfrey, Klose, Lewis, Tettey, Vrancic, Buendia, Stiepermann, Hernandez, Pukki
Varamenn: McGovern, Thomas, Trybull, Rupp, McLean, Martin, Duda, Drmic, Idah