„Ég veit ekki hvort ég geti bent fingrinum á eitthvað eitt. Mér fannst við gera mikið af klaufamistökum. Við náðum að framkvæma það sem við settum upp með að gera en gerðum það ekki nógu vel. Það vantaði herslumuninn,“ sagði Halla Margrét Hinriksdóttir, markvörður Víkings, aðspurð um hvað hefði farið úrskeiðis í 3-1 tapleiknum gegn Gróttu í kvöld.
Lestu um leikinn: Víkingur R. 1 - 3 Grótta
„Mér fannst við spila góðan fótbolta á köflum. Það er ekkert hægt að setja út á hvernig við spiluðum, við spiluðum ágætlega. Þetta féll bara ekki með okkur í dag,“ sagði Halla sem er svekkt yfir dræmri stigasöfnun Víkinga í upphafi móts.
„Þetta hefur náttúrulega ekki verið eins gott og ég hafði gert mér vonir um. Ég væri alveg til í að vera með 3 stig eftir hvern einasta leik. Sérstaklega því við byrjuðum sumarið vel.“
„Stemmningin er samt góð og við vitum að við erum betri en það sem stigataflan segir.“
„Okkur er spáð 8. sæti og okkur finnst það öllum vera algjört kjaftæði. Við þurfum bara að fá tíma til að sýna það. Þetta er að koma.“
Nánar er rætt við Höllu í spilaranum hér að ofan.
Athugasemdir