María Lovísa var frábær í kvöld
„Mér fannst leikurinn mjög erfiður en líka mjög góður,“ sagði María Lovísa Jónasdóttir sem var best á vellinum þegar Grótta vann Víkinga 3-1 í Lengjudeildinni fyrr í kvöld.
Lestu um leikinn: Víkingur R. 1 - 3 Grótta
Aðspurð um lykilinn að sigrinum svaraði María:
„Að geta haldið haus og haldið út allan leikinn,“ en Grótta leiddi 2-0 í hálfleik.
„Við komum samt bara út eins og það væri bara 0-0 í seinni hálfleik,“ sagði María en Grótta barðist vel fyrir stigunum þremur í dag og stefnir á að halda áfram að bæta sig með hverjum leik í sumar.
„Við ætlum bara að taka einn leik í einu og reyna að bæta okkur í hverjum leik. Bara þetta venjulega.“
Hægt er að horfa á allt viðtalið við Maríu Lovísu í spilaranum hér að ofan.
Athugasemdir
