„Þetta var frábær liðssigur í dag. Þetta var flottur sigur hjá liðinu og menn lögðu sig alla í þetta," sagði Andri Adolphsson, leikmaður Vals, eftir 1-0 sigur á Fylki í Pepsi Max-deildinni í dag.
Lestu um leikinn: Valur 1 - 0 Fylkir
„Við vorum mikið með boltann í fyrri hálfleik og vorum að skapa ágætis hættu. Ég hefði viljað skora í fyrri hálfleiknum, en svona er fótboltinn - hann fer ekki alltaf inn. Sem betur fer náðum við að pota inn einu í fyrri hálfleik."
„Fylkisliðið er frábært fótboltalið og þeir gerðu vel í að keyra á okkur. Við náðum sem betur fer að loka þessu öllu og sigla þessu heim."
Valsmenn eru komnir í fjórða sæti, sem gæti dugað í Evrópukeppni á næsta tímabili.
„Það er markmiðið eins og er. Við viljum vinna alla þá leiki sem við eigum eftir," sagði Andri.
Viðtalið er hér að ofan.
Athugasemdir