„Cedric hefur verið að glíma við stífleika og gat ekki æft almennilega fyrir leik. Sama má segja um Brand. Þeir þurftu því báðir á hvíld að halda en þetta er ekkert alvarlegt. Þeir ættu að ná næsta leik, sagði Ólafur Helgi Kristjánsson þjálfari FH í samtali við Fótbolta.net.

Steven Lennon skoraði eina mark FH í 1-0 sigrinum gegn ÍA en með sigrinum jafnaði FH, ÍA að stigum í deildinni. Eftir tvö töp í röð gegn HK og KA í síðustu leikjum var sigurinn í gær virkilega mikilvægur FH-ingum sem eru í harðri baráttu um Evrópusæti.

FH sem situr í 4. sæti Pepsi Max-deildarinnar með 22 stig mætir Val á Origo-vellinum næstkomandi sunnudagskvöld.