banner
   mið 07. ágúst 2019 16:09
Elvar Geir Magnússon
Inter með nýtt tilboð í Lukaku - Bjartsýnir á að fá hann
Lukaku færist nær Inter.
Lukaku færist nær Inter.
Mynd: Getty Images
Ítalska félagið Inter hefur gert nýtt tilboð í belgíska sóknarmanninn Romelu Lukaku, Sky Sports greinir frá.

Sagt er að forráðamenn Inter séu mjög bjartsýnir á að fá Lukaku í sínar raðir en að kaupverðið geti með klásúlum farið upp í rúmlega 76 milljónir punda.

Sky Sport Italia segir að Federico Pastorello, umboðsmaður Romelu Lukaku, hafi flogið til London í morgun til að funda með Steven Zhang, forseta Inter.

Manchester United sektaði Lukaku fyrir að mæta ekki til æfinga en hann hefur verið að æfa með unglingaliði Anderlecht í Belgíu í þessari viku.

Félagaskiptaglugginn á Englandi lokar á morgun en glugginn er áfram opinn á Ítalíu og því liggur ekki of mikið á. Lukaku gæti verið seldur síðar í þessum mánuði.



Athugasemdir
banner
banner