Lestu um leikinn: Valur 1 -  0 Fylkir

„Við áttum að fá eitthvað út úr þessum leik, það er alveg ljóst," sagði Óli við Fótbolta.net eftir leikinn.

„Það gekk allt upp sem við ætluðum að gera, að mörgu leyti. Fyrir utan að fá þetta mark á okkur. Í sjálfu sér var eitt lið á vellinum í seinni hálfleik. Þeir fá einhver skyndiáhlaup því við erum að keyra áfram að reyna að ná í þetta jöfnunarmark. Þetta er mjög svekkjandi."

„Það er alltaf gott að ná stigum á svona velli. Þetta er búið að vera erfitt í tveimur síðustu leikjum, en við höldum ótrauðir áfram. Spilamennskan í seinni hálfleik sýnir að við erum á réttri lið."

Kolbeinn Finnsson er farinn aftur til Brentford og voru Ólafur Ingi Skúlason og Daði Ólafsson í leikbanni í dag.

„Þessir strákar komu inn ótrúlega flottir og við erum stoltir af þeim."

Viðtalið er hér að ofan.