Real Madrid er í viðræðum við frönsku meistarana í Paris Saint-Germain um kaup á Brasilíumanninum Neymar. Þetta segja heimildarmenn Sky Sports.
Neymar var seldur frá Barcelona til Paris Saint-Germain árið 2017 fyrir metfé eða 200 milljónir punda, en hann er orðinn þreyttur á lífinu í París og vill fara annað.
Mikið hefur verið rætt og skrifað um mögulega endurkomu hans til Barcelona, en Real Madrid hefur líka áhuga.
PSG á enn eftir að fá formlegt tilboð í Neymar, en félagið vill eflaust fá aftur þær 200 milljónir sem félagið eyddi í Neymar.
Það hefur verið nóg að gera hjá Real Madrid í sumar eftir að félagið endaði 19 stigum frá Barcelona á síðasta tímabili. Eden Hazard, Luka Jovic, Eder Militao, Ferland Mendy og Rodrygo hafa allir komið til félagsins.
Félagaskiptaglugginn á Spáni er opinn þangað til í byrjun september.
Athugasemdir