Emil Atla um markakónginn: Fyrst ég er þarna þá ætti ég kannski að reyna við það
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Emil Atlason leikmaður Stjörnunnar var á skotskónnum í kvöld þegar liðið hans vann Breiðablik 5-2 í Garðabænum í kvöld.
„Fínasti leikur hjá okkur. Þeir héldu boltanum og við vorum bara þokkalegir. Þeir voru ekki að skapa sér neitt og við náðum að skapa okkar færi og nýttum þau vel."
Emil skoraði 1 og lagði upp 2 önnur mörk.
„Þetta var bara flottur leikur eins og ég segi, mark og 2 stoðsendingar ég gerði vel í dag."
Emil situr nú jafn 2 öðrum í baráttunni um markakónginn og það gæti verið gott persónulegt markmið.
„Nei ekkert endilega sko en fyrst ég er þarna þá ætti ég kannski að reyna við það en ég vil helst bara vinna leiki það er eiginlega bara þannig."
Emil hefur virkilega sprungið út í sumar og er þetta hans langbesta tímabil í efstu deild í mörg ár en hver er þá munurinn á honum núna og áður?
„Ég myndi segja bara hausinn, mér líður bara miklu betur og maður er búinn að lenda í miklu á þessum árum áður en þetta árið er þetta ganga og mér líður vel."
