Haraldur varð bikarmeistari með Stjörnunni í sumar.
Haraldur Björnsson, markvörður bikarmeistara Stjörnunnar, er í viðtali í hlaðvarpsþætti Garðabæjarfélagsins Inn með boltann.
Þar fer hann yfir ferilinn og segir meðal annars sögu af því þegar hann lék með Val 2009 undir stjórn Atla Eðvaldssonar.
Þar fer hann yfir ferilinn og segir meðal annars sögu af því þegar hann lék með Val 2009 undir stjórn Atla Eðvaldssonar.
„Við erum að spila á móti KA í bikarnum. Ég hafði tekið svona 20 fyrirgjafir í leiknum, svo kemur ein fyrirgjöf í seinni hálfleik sem ég missi af. Þá er einhver KA-maður á fjærstönginni sem skorar," segir Haraldur.
„Við vinnum leikinn en Atli tekur mig út úr liðinu og sendir mig svo til augnlæknis. Ég var tvítugur og Atli hélt að það væri eitthvað að sjóninni hjá mér fyrst ég missti af einni fyrirgjöf."
„Ég var sendur í Blindrafélagið í augnskoðun og það var mjög vandræðalegt. Þarna var einhver kona að skoða mig og ég sá alla stafina enda með mjög góða sjón. En ég var síðan bara á bekknum út tímabilið."
Hér að neðan má hlusta á viðtalið við Harald.
Haraldur í leik með Val 2009.
Athugasemdir
