Michel Vorm, varamarkvörður Tottenham, er orðinn þreyttur á bekkjarsetunni og íhugar að fara frá félaginu næsta sumar.
Hinn 35 ára gamli Vorm kom til Tottenham frá Swansea árið 2014 en samningur hans rennur út næsta sumar.
Hugo Lloris hefur verið aðalmarkvörður undanfarin ár á meðan Vorm hefur barist við Paulo Gazzaniga um að vera markvörður númer tvö.
„Ég tel að ég eigi nokkur góð ár eftir. Samningur minn rennur út eftir tímabilið og við sjáum hvernig þetta fer," sagði Vorm.
„Núna þarf ég að passa mig upp á að halda mér heilum. Það er alltaf leiðinlegt að sitja á bekknum eða í stúkunni."
Athugasemdir