„Þetta var slakur fyrri hálfleikur en síðari hálfleikurinn var mun betri," sagði Elinbergur Sveinsson, annar af þjálfurum 2. flokks ÍA, eftir 2-1 tap gegn Derby í Meistaradeild unglingaliða í gær.
„Þetta var alls ekki líkt okkur. Við vorum alltof soft, langt frá mönnum og ólíkir okkur á allan hátt. Þetta var allt annað lið í síðari hálfleik."
Skagamenn vildu tvívegis fá vítaspyrnu í síðari hálfleik en fengu ekki.
„Strákarnir eiga hrós skilið. Þeir héldu haus allan tímann. Þó að við höfum ekki verið að fá hluti þá héldu þeir áfram og héldu haus," sagði Elinbergur.
Hér að ofan má sjá viðtalið í heild sinni.
Athugasemdir
