Vlahovic í leik með Serbíu.
Dusan Vlahovic, sóknarmaður Juventus, er farinn að hafa áhyggjur af því að hann gæti misst af komandi heimsmeistaramóti í Katar. Þessi 22 ára serbneski sóknarmaður hefur ekki spilað síðustu þrjá leiki Juve vegna nárameiðsla.
Það var vonast til þess að Vlahovic yrði klár í stórleikinn gegn Inter í gær en eftir æfingu á laugardag hurfu þær vonir.
Það var vonast til þess að Vlahovic yrði klár í stórleikinn gegn Inter í gær en eftir æfingu á laugardag hurfu þær vonir.
Vlahovic gengur erfiðlega að hrista af sér meiðslin en vonast til þess að geta spilað gegn Lazio síðar í vikunni. Fylgst er með þróun mála á hverjum degi.
Ítalskir fjölmiðlar segja að Vlahovic sé orðinn hræddur um að meiðslin setji strik í reikninginn fyrir HM í Katar og hann verði ekki í sínu besta standi á mótinu.
Fyrr á árinu missti hann af fjórum landsleikjum með Serbíu vegna svipaðra nárameiðsla.
Athugasemdir
