Ofurtölvan spáir því að Arsenal fari í umspil Meistaradeildarinnar

Keppni í deildarkeppni Meistaradeildarinnar er hálfnuð, öll liðin hafa leikið fjóra af átta leikjum sínum. Ofurtölva Opta hefur nú reiknað út hvernig deildin mun líklega enda.

Hún spáir því að Liverpool, sem hefur unnið alla leiki sína til þessa, endi í efsta sæti en átta efstu liðin tryggja sér beint í 16-liða úrslit. Liðin í sætum 9-24 fara beint í umspil.

Sporting Lissabon, sem hefur spilað frábærlega undir stjórn Rúben Amorim, er spáð þriðja sætinu og Atalanta og Mónakó gætu náð beint í 16-liða úrslit.

Aston Villa og Arsenal eru meðal liða sem fara í tveggja leikja umspil um að komast í 16-liða úrslit ef Ofurtölvan hefur rétt fyrir sér. Þar eru einnig lið á borð við Real Madrid, Juventus, Bayern München og Bayer Leverkusen.

Stórlið PSG hefur aðeins fengið fjögur stig úr fjórum umferðum og mun falla úr leik eftir deildarkeppnina rætist spáin.