Manchester United hefur hafnað beiðni Manchester City um að fá að taka upp í klefa sínum fyrir grannaslaginn á Old Trafford á sunnudag.

Manchester City er að búa til heimildarmynd sem verður sýnd á Amazon Prime á næsta ári en félagið fær tíu milljónir punda fyrir myndina.

Manchester United hefur hafnað beiðni frá City um að taka upp efni fyrir myndina í tengslum við grannaslaginn á sunnudag.

Forráðamenn United telja að erfitt sé að mynda pláss fyrir fleiri upptökuvélar og starfsfólk á þeim í kringum leikinn.