City hefur farið á kostum og er með átta stiga forystu þegar 15 af 38 umferðum er lokið. Liðið á erfiðan leik framundan gegn Manchester United á Old Trafford um næstu helgi.

Ef Jose Mourinho og hans menn vinna verður forysta City aðeins fimm stig.

En hjá Paddy Power eru menn svo sannfærðir um að City muni lyfta bikarnum í maí að búið er að borga þeim út sem veðjuðu á sigur þeirra ljósbláu - fimm mánuðum áður en tímabilinu lýkur.

„Við getum ekki séð nokkurt lið komast nálægt Pep Guardiola og félögum á þessu tímabili. Ef þú horfir framhjá ljósbláu skyrtunum, tómu sætunum og Manchester hreimnum þá er þetta eins og að horfa á Barcelona undir stjórn Guardiola," sagði talsmaður Paddy Power.