Neymar og Ronaldo eru í úrvalsliði riðlakeppni Meistaradeildar Evrópu en Goal setti liðið saman. Hverjir veita þeim félagsskap í liðinu?
Alphonse Areola (PSG) - Þessi 24 ára markvörður fékk aðeins fjögur mörk á sig í sex leikjum og hélt hreinu gegn Bayern München.
Kieran Tierney (Celtic) - Bakvörðurinn tvítugi er orðinn stjarna hjá Celtic og er orðaður við Manchester United.
John Stones (Manchester City) - Miðvörðurinn hefur tekið miklum framförum síðan hann fór undir handleiðslu Pep Guardiola.
Davinson Sanchez (Tottenham) - Varnarmaðurinn ungi sem kom til Spurs frá Ajax var sérstaklega öflugur í leikjunum gegn Real Madrid.
Layvin Kurzawa (PSG) - Vinstri bakvörður sem skorar þrennu gegn Anderlecht á skilið að vera í úrvalsliðinu!
Kevin De Bruyne (Manchester City) - Orðinn það öflugur að lýsingarorð ná ekki yfir það.
Philippe Coutinh (Liverpool) - Fimm mörk og tvær stoðsendingar í riðlakeppninni.
Cristiano Ronaldo (Real Madrid) - Þó ekki gangi vel í spænsku deildinni hefur Ronaldo skorað í öllum Meistaradeildarleikjunum.
Kylian Mbappe (PSG) - Hefur orðið ofurstjarna á augabragði. Fjögur mörk og þrjár stoðsendingar í sex leikjum. Hversu langt mun þessi gaur ná?
Neymar (PSG) - Mögulega besti leikmaður keppninnar til þessa. Sex mörk og fjórar stoðsendingar.
Harry Kane (Tottenham) - Einn bitmesti sóknarmaður Evrópu hefur sannað sig í Meistaradeildinni.
Athugasemdir
