fim 07. desember 2017 22:18
Ívan Guðjón Baldursson
Walcott: Erfitt þegar Alexis og Özil spila sömu stöður
Mynd: Getty Images
Theo Walcott skoraði í 6-0 sigri Arsenal gegn BATE Borisov í Evrópudeildinni í kvöld.

Varamenn Arsenal fengu að spreyta sig í leiknum og segir Walcott þá vera að gera sitt besta til að gefa Arsene Wenger valkvíða.

„Stjórinn sagði okkur að njóta kvöldsins og við gerðum það. Það er gaman að spila með miklu frelsi og engum áhyggjum," sagði Walcott að leikslokum.

„Vörnin var stöðug og við röðuðum inn mörkum. Það er mikil samkeppni um byrjunarliðssæti og við gerum okkar besta til að gefa stjóranum valkvíða.

„Það er erfitt að komast í byrjunarliðið þegar menn eins og Alexis Sanchez og Mesut Özil eru að spila í sömu stöðum."


Jack Wilshere, sem hefur verið mikið frá vegna meiðsla, skoraði einnig í leiknum.

„Það var gott að skora og vinna leikinn á sannfærandi hátt. Við nutum okkar og erum spenntir fyrir útsláttarkeppninni," sagði Wilshere.
Athugasemdir
banner
banner
banner