Championship: Sjötti sigur Leeds í röð

Leeds United vann sinn sjötta deildarleik í röð er liðið heimsótti Huddersfield í dag.

Huddersfield, sem féll úr úrvalsdeildinni í vor, hefur átt erfitt uppdráttar í Championship. Staðan var þó markalaus í dag eftir jafnan og litlausan fyrri hálfleik.

Ezgjan Alioski skoraði snemma í síðari hálfleik og gerði kempan Pablo Hernandez út um viðureignina með marki á 78. mínútu.

Leeds er með eins stigs forystu á helstu keppinautum sínum, West Bromwich Albion. West Brom fær Swansea í heimsókn á morgun.

Huddersfield er tveimur stigum fyrir ofan fallsvæðið, með 18 stig eftir 20 umferðir.