Thomas Tuchel, stjóri Chelsea, hefur staðfest að króatíski miðjumaðurinn Mateo Kovacic sé frá eftir að hafa greinst með Covid-19.
Kovacic var byrjaður að æfa að nýju eftir meiðsli en nú er ljóst að eitthvað lengra verður í endurkomu hans.
Kovacic var byrjaður að æfa að nýju eftir meiðsli en nú er ljóst að eitthvað lengra verður í endurkomu hans.
„Hann var á æfingu í gær með bros á vör en svo greindist með veiruna í dag svo hann er kominn í einangrun," segir Tuchel.
„Ég vissi að við gætum fengið fleiri tilfelli. Ég er óánægður með það, ekki bara sem stjóri heldur sem manneskja. En við þurfum að aðlagast og gæta að heilsu fólks."
Chelsea mætir Zenit frá Pétursborg á morgun í Meistaradeildinni. Chelsea er komið áfram en þarf að vinna Zenit til að tryggja sér efsta sætið í riðlinum.
Tuchel segir ljóst að leikmenn verði hvíldir í þessum lokaleik riðlakeppninnar enda mikilvæg leikjatörn framundan. N'Golo Kante er enn á meiðslalistanum.
Athugasemdir