Það er greinilegt að Fernando Santos þjálfari portúgalska landsliðsins sé ekki ánægður með Cristiano Ronaldo til þessa á HM.
Ronaldo byrjaði á bekknum í gær þegar Portúgal valtaði yfir Sviss 6-1 en hann kom inn á sem varamaður undir lok leiksins.
Hinn 21 árs gamli Goncalo Ramos kom inn í byrjunarliðið í hans stað en hann gerði sér lítið fyrir og skoraði þrennu í leiknum.
Ramos var tekinn af velli fyrir Ronaldo en það varð allt vitlaust á vellinum þegar í ljós kom að Ronaldo væri að koma inn á. Portúgölsku stuðningsmennirnir voru greinilega ekki hrifnir af því að Ronaldo hafi byrjað á bekknum.
Myndband sem Rúv deildi af fagnaðarlátum stuðningsmanna Portúgal þegar Ronaldo var að koma inn á má sjá hér fyrir neðan.
Augnablikið þegar Ronaldo kom inn á fyrir Goncalo Ramos, en gífurleg fagnaðarlæti brutust út í kringum hana. pic.twitter.com/wNKozrrMyl
— RÚV Íþróttir (@ruvithrottir) December 6, 2022
Athugasemdir
