Bakvörðurinn átti að verða laus allra mála næsta júní, en Roma vill halda honum aðeins lengur.

Kolarov fór til Roma frá Manchester City sumarið 2017 fyrir 5 milljónir evra.

Hann hefur reynst traustur þjónn fyrir Roma og spilað 113 leiki fyrir félagið í öllum keppnum, skorað 17 mörk og lagt upp 18. Kolarov er mikill aukaspyrnusérfræðingur.

Hann hefur byrjað alla 18 leiki Roma í deildinni á þessu tímabili, en liðið er í fjórða sæti ítölsku úrvalsdeildarinnar þegar þessi frétt er skrifuð.