Joao Felix, leikmaður Atletico Madrid, segir að Liverpool sé erfiðasta liðið í Meistaradeildinni. Atletico mun etja kappi við Liverpool í 16-liða úrslitum keppninnar.
Liverpool, sem er á toppnum í Englandi, er ríkjandi sigurvegari Meistaradeildarinnar. Liðið er með 22 stiga forskot á toppnum - magnað.
Liverpool, sem er á toppnum í Englandi, er ríkjandi sigurvegari Meistaradeildarinnar. Liðið er með 22 stiga forskot á toppnum - magnað.
„Þetta verður mjög erfitt einvígi," sagði Felix við Eleven Sports. „Af öllum liðunum, þá eru þeir kannski erfiðasta liðið."
„Liverpool er í góðu formi, að spila frábærlega, þeir eru ríkjandi meistarar og þetta verður mjög erfitt, eins og allir leikir í Meistaradeildinni. Gegn Liverpool, sem er að spila mjög vel, þá verður þetta enn erfiðara."
Felix, sem er tvítugur, var keyptur á 113 milljónir punda frá Benfica til Atletico síðasta sumar. Hann hefur ekki alveg staðið undir verðmiðanum hingað til. Hann hefur skorað fjögur mörk í 23 leikjum.
Athugasemdir