Enska úrvalsdeildarfélagið Manchester United hefur ákveðið að skilja Odion Ighalo eftir í Manchester á meðan aðalliðið fer í æfingabúðir á Marbella á Spáni.
Nígeríski framherjinn gekk til liðs við United frá kínverska félaginu Shanghai Shenhua á láni undir lok gluggans.
Ole Gunnar Solskjær og lærisveinar hans eru á leið í æfingabúðir á Marbella en Ighalo fer ekki með.
Félagið vill ekki standa í veseni á flugvellinum vegna reglna um kórónaveiruna og ljóst að Ighalo yrði í basli með að komast aftur heim til Bretlandseyja úr æfingaferðinni og var því ákveðið að skilja hann eftir í Manchester.
Hann vinnur nú að því að koma sér í form en hann hefur meðal annars æft aukalega með Ólympíuförum Bretlands í taekwondo síðustu daga.
Kórónaveiran hefur verið afar skæð í Kína en 724 eru látnir og talið er að allt að 34 þúsund manns hafi smitast af henni.
Athugasemdir