Atalanta lagði Fiorentina að velli, 2-1, er liðin mættust í Seríu A á Ítalíu í dag en leikurinn fór fram á Artemio Franchi leikvanginum í Flórens.

Það var ítalska undrið Federico Chiesa sem kom heimamönnum yfir á 32. mínútu og stóðu leikar þannig í hálfleik áður en gestirnir rönkuðu við sér í þeim síðari.

Kólumbíski framherjann Duvan Zapata jafnaði metin á 49. mínútu áður en Ruslan Malinovskiy gerði sigurmarkið um það bil tuttugu mínútum fyrir leikslok.

Atalanta fer með sigrinum í 42 stig og er liðið í 4. sæti deildarinnar, tólf stigum frá toppliði Juventus.