Rúnar Alex kom inná í hálfleik
Íslenski landsliðsmarkvörðurinn Rúnar Alex Rúnarsson fékk langþráð tækifærið í frönsku deildinni er hann spilaði síðari hálfleikinn í 3-3 jafntefli Dijon gegn Nantes í dag.
Senegalski markvörðurinn Alfred Gomis hefur verið aðalmarkvörður í deildinni síðustu mánuði en hann meiddist í fyrri hálfleik í dag og þurfti að fara af velli í hálfleik.
Rúnar hefur verið að spila bikarleiki Dijon auk þess sem hann skipti leikjunum með Gomis í byrjun tímabils.
Hann kom inná í stöðunni 2-2 en Dijon skoraði undir lok leiks og þá náði Nantes að svara í sömu mynt.
Dijon er í 17. sæti frönsku deildarinnar með 25 stig.
Athugasemdir
