DailyMail velti þessum steinum eftir skelfilegt gengi Tottenam að undanförnu. Mourinho fær 3/10 í skammareinkunn fyrir stöðuna í framherjamálum. Mourinho hóf ekki tímabilið sem stjóri félagsins en hann keypti leikmenn í janúar en fékk engan framherja.

Pochettino hafði verið stjóri Spurs til margra ára en hann keypti enga varaskeifu fyrir Harry Kane eftir að hafa misst Fernando Llorente eftir síðustu leiktíð. Pochettino fær 5/10 í einkunn þegar rætt er um hverjum er um að kenna.

Stjórnin fær 8/10 í einkunn. Spurs hefur ekki viljað kaupa dýra leikmenn undanfarin áratug eða svo ef síðasta sumar er undanskilið. Pochettino fór í gegnum nokkra félagaskiptaglugga án þess að hrista upp í leikmannahópnum og var ástæðan bygging nýs leikvangs.

Spurs gat ekki boðið Sadio Mane viðunandi laun og Sergio Aguero var einnig í boði á sínum tíma. Paulo Dybala fékk ekki að koma og félagið þurfti að selja Dimitar Berbatov og Robbie Keane á sínum tíma. Í lengri tíma núna hefur félagið verið nálægt botni deildarinnar þegar kemur að því að eyða peningum í leikmenn. Árið 2018 varð félagið það fyrsta í sögu deildarinnar til að kaupa ekki einn einasta leikmann í sumarglugganum.

Í gegnum tíðina hefur það verið sama stjórnin sem stýrir þessu og fær hún því mesta skömmina í uppgjöri Mail. Stuðningsmenn Spurs eru farnir að syngja: 'Oh, what a night, watching Tottenham on a Wednesday night, we've got no strikers because the chairman's..." vísan verður ekki kláruð en gleðin með stjórnina er ekki mikil.

Hér má lesa grein DailyMail í heild sinni.