Evrópumeistarar FC Bayern tóku á móti Paris Saint-Germain í sturluðum fótboltaleik í gærkvöldi.
Bæði lið spiluðu glimrandi knattspyrnu í galopnum leik sem lauk með 2-3 sigri PSG, en seinni leikurinn er eftir í París.
PSG getur þakkað markverði sínum Keylor Navas að stórum hluta fyrir sigurinn þar sem hann varði hvorki meira né minna en tíu marktilraunir í leiknum.
Hinu megin var Joshua Kimmich gríðarlega skapandi þar sem honum tókst að búa til tíu marktækifæri. Því miður fyrir hann var Navas í stuði á milli stanganna.
Kimmich var þar aðeins tveimur sköpuðum færum frá meti Mesut Özil sem hann setti með Real Madrid gegn Tottenham í apríl 2011, þegar hann skapaði tólf færi.
Athugasemdir