Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 08. maí 2020 23:00
Sæbjörn Þór Þórbergsson Steinke
Heimild: RÚV 
Arnar Sveinn: Þær hafa allt um það að segja - Alveg glórulaust
Mynd: Fótbolti.net - Hafliði Breiðfjörð
Arnar Sveinn Geirsson, forseti Leikmanasamtaka Íslands, var til viðtals á RÚV í kvöld. Þar segir hann frá því að dæmi séu um það að lið í efstu deild hafi skert laun leikmanna án þess að fá samþykki frá leikmönnunum.

Arn­ar seg­ir að fé­lög hafi ein­hliða ákveðið launa­lækk­un hjá samn­ings­bundn­um leik­mönn­um án þess að sam­komu­lag hafi verið gert. Slíkt sé ein­fald­lega óheim­ilt og hafi leik­menn leitað til samtak­anna vegna slíkra mála.

„Staðan er þannig að það er réttur leikmanna að fá laun sín greidd - staðan er erfið hjá mörgum félögum og leikmenn þurfa að sýna því ákveðna tillitsemi og reyna að finna lausnir með félaginu."

Arnar segir einnig dæmi um að laun hafi verið lækkuð hjá öll­um leik­mönn­um kvennaliðs án nokk­urs sam­ráðs.

„Í því tilfelli sem við þekkjum er körlunum boðinn fundur og rætt við karlaliðið; útskýrt hvernig málin eru og staðan tekin."

„Á meðan kvennamegin fékk enginn neina tilkynningu um eitt eða neitt heldur bara lækkun á samningi og þær höfðu í rauninni ekkert um það að segja, þó þær hafi allt um það að segja,“

„Það er auðvitað mjög miður, mig langar ekki að segja að þetta sé viljandi gert heldur hafi gerst óvart. Ég vona það innilega og (vona) að þetta verði leiðrétt en þetta er auðvitað bara glórulaust,“
sagði Arnar Sveinn í viðtali við RÚV.
Athugasemdir
banner
banner