Búist var við frönskum sigri enda ríkjandi heimsmeistarar með stjörnum prýtt lið, en svo varð ekki.

Frakkar áttu fjórar marktilraunir í leiknum og fór ekki eitt skot á rammann. Tyrkir verðskulduðu sigurinn og hefðu getað unnið stærra.

„Það er ekkert jákvætt sem við getum tekið með okkur úr þessum leik," sagði Didier Deschamps, landsliðsþjálfari Frakka.

„Við erum heimsmeistarar og mættum ekki hingað með rétt hugarfar. Þetta er blaut tuska í andlitið."