Moussa Djenepo stóðst læknisskoðun hjá Southamtpon í dag og er því næstum allt klárt svo hann geti gengið til liðs við félagið.
Southampton borgar 15 milljónir punda fyrir kantmanninn sem á 21. árs afmæli eftir viku.
Djenepo kemur frá Standard Liege og þykir gífurlega mikið efni. Hann á 8 A-landsleiki að baki fyrir landslið Malí og var burðarstólpur í U20 liðinu. Hann fékk þó ekki að fara með á HM U20 sökum aldurs.
Ungstirnið getur gengið í raðir Southampton um leið og hann fær atvinnuleyfi á Englandi, sem ætti ekki að vera mikið vandamál þrátt fyrir nokkuð strangar reglur.
Djenepo verður fyrsti leikmaðurinn sem Ralph Hasenhüttl kaupir til félagsins frá því að hann tók við í desember. Stjórinn hefur sjálfur sagt að þetta verður erfitt sumar fyrir Southampton vegna peningaskorts.
Athugasemdir