lau 08. júní 2019 18:34
Ívan Guðjón Baldursson
Justin Edinburgh látinn - Ekki orðinn fimmtugur
Mynd: Getty Images
Justin Edinburgh, 49 ára þjálfari Leyton Orient, lést í dag eftir að hafa verið í fimm daga á spítala.

Edinburgh, sem átti magnað tímabil með Leyton og kom liðinu aftur upp í D-deildina, fékk hjartaáfall á mánudaginn og var farið með hann beint upp á spítala.

Edinburgh átti farsælan feril sem atvinnumaður í knattspyrnu og lék fyrir Tottenham í tíu ár. Hann vann FA bikarinn og deildabikarinn með Tottenham og lék einnig fyrir Portsmouth í kringum aldamótin.

Edinburgh spilaði sem vinstri bakvörður og eftir að hann lagði skóna á hilluna fór hann í þjálfun. Hann stýrði Newport County í fjögur ár, tók við Gillingham í tvö ár, stutt stopp hjá Northampton og tók svo við Leyton Orient í nóvember 2017.




Athugasemdir
banner
banner
banner
banner
banner