Umtiti var spurður út í framtíð sína og landsliðsfélaga sins Antoine Griezmann fyrir leik Frakka gegn Tyrklandi. Báðir eru í byrjunarliðinu en Tyrkir leiða 2-0 í hálfleik.

„Ég er samningsbundinn Barcelona. Þó ég hafi átt erfitt tímabil þá þýðir það ekki að ég sé á leið burt frá félaginu. Ég mun vera hjá Barcelona á næsta tímabili," sagði Umtiti og svaraði svo spurningu um Griezmann, sem hefur verið orðaður við Barcelona lengi.

„Sannleikurinn er sá að ég hef aldrei heyrt talað um Griezmann í klefanum. Það hefur gerst einhvern dag sem ég var ekki þarna!"

Griezmann er búinn að tilkynna Atletico Madrid að hann vilji yfirgefa félagið en ekki er ljóst hvort Barca tími að kaupa framherjann, enda rándýr.