Jóhann Berg fór af velli þegar um 10 mínútur voru liðnar af seinni hálfleik. Meiðsli hafa verið að stríða Jóhanni og spurning hvort hann verði tilbúinn gegn Tyrklandi á þriðjudag.

„Auðvitað er ég ekki í nógu góðu standi og það er frekar þreytt að vera ekki 100%. Ég byrjaði allavega þennan leik og náði 55 mínútum. Vonandi næ ég svipað eða meira á þriðjudaginn. Ég væri auðvitað til í að vera í betra standi," sagði Jóhann Berg eftir leikinn í dag.

Getur hann byrjað á móti Tyrklandi á þriðjudagskvöld?

„Ég veit það ekki alveg. Ég þurfti að fara út af því ég var ekki nógu góður í dag. Ég er bjartsýnn á það að sjúkrateymið púsli mér saman."