Zlatan Ibrahimovic er á leiðinni á Wembley til þess að horfa á England spila í nálægri framtíð eftir að hafa tapað veðmáli við sinn fyrrum liðsfélaga, David Beckham.
Þeir félagar veðjuðu á leik Englands og Svíþjóðar í gær. England sigraði sem þýðir að Zlatan þarf að mæta á völlinn í landsliðstreyju enska liðsins og borða fisk og franskar á meðan leiknum stendur.
Hefði Svíþjóð sigrað hefði Zlatan farið með Beckham í Ikea þar sem hann hefði mátt kaupa sér hluti að vild. England bókaði sér hinsvegar sæti í undanúrslitum heimsmeistaramótsins í fyrsta skipti síðan 1990.
Ibrahimovic staðfesti á Twitter að hann myndi taka veðmálinu. Það verður gaman að sjá þá félaga í stúkunni, vonandi að þeir félagar haldi áfram að veðja á leiki í framtíðinni en umræða þeirra fékk mikla athygli í aðdraganda leiksins.
Important update: pic.twitter.com/fNt3fz0V5Z
— LA Galaxy (@LAGalaxy) July 7, 2018
Athugasemdir