FH vann 1-0 sigur á Víkingi á Kaplakrikavelli í 12.umferð Pepsí Max-deildar karla í kvöld. Davíð Þór Viðarsson fyrirliði FH sagði þungu fargi af þeim létt að vinna loksins leik í deildinni.
Lestu um leikinn: FH 1 - 0 Víkingur R.
„Þetta eru bara frábær úrslit fyrir okkur, við vorum ekki búnir að vinna leik í deildinni frá því 20.maí þannig að það er þungu fargi af okkur létt. Það voru kaflar þar sem við spiluðum vel og kaflar þar sem við lentum í basli með gott lið sem Víkingur er. Það er ótrúlega ljúft að vinna 1-0 og halda markinu hreinu. Við höfum verið að tala um það að við verðum að fara loka fyrir markið og nú höfum við haldið hreinu tvo leiki í röð."
Davíð hefur glímt við hnémeiðsli í vetur og í upphafi tímabils en er nú búinn að spila tvo heila leiki í röð og segir hnéið mun betra en það hefur verið.
„Hann er bara þokkalega góður, ég hef verið í smá brasi með hnéið á mér en það er mun betra núna en það var í vetur og í upphafi tímabils."
Athugasemdir