Everton er 23 ára gamall og spilar fyrir Gremio í heimalandinu en hann gerði frábæra hluti með brasilíska landsliðinu er það vann Copa America á dögunum.

Hann er afar eftirsóttur um alla Evrópu og hafa stærstu félögin fylgst með honum en hann virðist aðeins vilja ræða við eitt félag.

Samkvæmt A Bola vill Everton fara til AC Milan, þrátt fyrir að liðið spili ekki í Evrópukeppni á þessari leiktíð.

Gremio mun ekki samþykkja tilboð undir 40 milljónum evra en hann er einnig með 60 milljón evra klásúlu í samningnum sínum.

Everton var markahæsti leikmaðurinn í Copa America með 3 mörk ásamt Paolo Guerrero, framherja Perú.