Lillý, miðvörður Vals.
„Fyrri hálfleikurinn var alls ekki nógu góður, við vorum undir í baráttunni og alltof langt frá mönnunum okkar. Ég gerði hræðileg mistök í markinu og þetta var ekki okkar leikur í fyrri hálfleik en svo sýndum við okkar rétta andlit og kláruðum leikinn mjög vel, “ sagði Lillý eftir leik kvöldsins en hún varð fyrir því óláni að skora sjálfsmark í stöðunni 0-0, það fyrsta á ferlinum að eigin sögn. Það kom þó ekki að sök þar sem Valur kláraði leikinn örugglega, 5-1.
Lestu um leikinn: Keflavík 1 - 5 Valur
Aðspurð sagði Lillý að það hefði ekkert stress komið í hópinn þrátt fyrir að lenda 1-0 undir.
„Við ræddum þetta vel í hálfleik og vorum alveg vissar um að við myndum klára þetta. Við erum með það flotta karaktera í þessu liði að við vissum að við værum alltaf að fara að klára þetta.“
Það gekk ekki mikið upp í sókninni í fyrri hálfleik hjá Valsstúlkum en mikið var um háa bolta og fyrirgjafir sem illa gekk að vinna úr.
„Við vorum ekki nógu margar komnar inn í teig í hlaupin þegar sendingarnar komu, það var kannski bara 1 á móti 5 þannig við töluðum um að fylla aðeins betur á teiginn og það gekk svo sannarlega upp.“
Viðtalið í heild má sjá í spilaranum hér að ofan.
Athugasemdir
